Publizitate sexistari begira

Emakunderen baitako Begirak -Berdintasuna Garatzeko Iragarkien Aholkularitzak- honako jarraibide hauek eman ditu publizitate sexista antzemateko:

• Emakumeen aukerak eta espazioak mugatzen dituzten iragarkiak.
• Emakumeak gizonezkoen menpeko erakusten duten iragarkiak.
• Etxeko lanak emakumeen lan esklusibotzat agertzen dituzten iragarkiak.
• Etxeko lanak parodiatzen dituzten iragarkiak.
• Gorputza edo gorputzaren atalak saltzen den produktuarekin konparatzen dituzten iragarkiak inolako harremanik izan gabe.
• Adituen ahots bakarra gizon batena denean.
• Emakumeen edertasuna aitzakiarik gabe handiesten den iragarkietan.
• Bi sexuei erreferentzia egiteko genero maskulinoa bakarrik erabiltzen duten iragarkiak.

Dulux

http://www.anuncios.com/VerPiezas/television/nuevos-anuncios/1048598012501/dulux.1.html

Honako iragarki hau ez zait sexista iruditu.


Carlsberg

http://www.anuncios.com/VerPiezas/television/nuevos-anuncios/1048534012501/carlsberg.1.html

Puntu sexista duen iragarkia da honakoa, denbora guztian gizon ingelesari buruz ari da, berau goraipatuz eta emakumeei dagokionez ez du ezer agertzen.


Turismo La Rioja



Argi dago ez dela publizitate sexista, zerbait esatearren zozo xamarra dela esango nuke.


El Ser Creativo

http://www.anuncios.com/VerPiezas/television/nuevos-anuncios/1048443012501/creativo.1.html

Ez da iragarki sexista, gizarteko jendeari erreferentzia egiteko emakumeak zein gizonak erabiltzen bai ditu.


Fiat

http://www.anuncios.com/VerPiezas/television/nuevos-anuncios/1048493012501/fiat.1.html

Sexista denik ezingo nuke esan, baina kritika bat baina gehiago jaso ditzakeela iruditzen zait. Sexuaren agerpena ageri baita modu inplizitu moduan.


Anchor

http://www.anuncios.com/VerPiezas/television/nuevos-anuncios/1048416012501/anchor.1.html

Ez da publizitate sexista.


Cepsa



Honako publizitate hau ez da sexista.


Honda

http://www.anuncios.com/VerPiezas/television/nuevos-anuncios/1048523012501/honda.1.html

Naiz eta emakumearen irudia erabiltzen den, ez dut uste sexista denik honako iragarki hau.


Nivea

http://www.anuncios.com/VerPiezas/television/nuevos-anuncios/1048362012501/nivea.1.html

Emakumearen edertasunerako produktu bat izan harren, ez dut uste sexista denik iragarki hau.


Volkswagen

http://www.anuncios.com/VerPiezas/television/nuevos-anuncios/1048269012501/volkswagen.1.html

Ez da iragarki sexista, zerbait aipatzearren barregarri xamarra dela esango nuke.


Axe


Iragarki sexista bat dela argi ikusten da,bertan agertzen denez Axe desodorantea botata, naiz eta erdi gizon erdi sofa izan bi emakume ditu berekin. Emakumearen irudia infrabaloratzen du iragarki honek.


Viceroy

http://www.anuncios.com/VerPiezas/television/nuevos-anuncios/1048171012501/viceroy.1.html

Ez da iragarki sexista honako hau, ez du emakumearen irudia infrabaloratzen.


Seat Leon

http://www.anuncios.com/VerPiezas/television/nuevos-anuncios/1048086012501/seat-leon.1.html

Puntu sexista bat duela esango nuke, iragarkiko protagonista mutila da eta bertan ageri denez, kotxea dela eta hurbiltzen zaio emakumea. Horrek, emakumea infrabaloratzen duela esan dezakegu.


Metro de Madrid

http://www.anuncios.com/VerPiezas/television/nuevos-anuncios/1048040012501/metro-madrid.1.html

Ez da publizitate sexista. Gainera oso iragarki ona iruditu zait, asko deitzen du atentzioa.


La Casera



Puntu sexista bat duela esan dezakegu, iragarkian ageri diren aditu denak gizonezkoak baitira.

Publizitatearen mugak

Klasean publizitatearen efektu “kolateralez” aritu gara. Hain zuzen efektu sozial extra-publizitario hauek direla eta, publizitatearen gaineko kontrola zorrotza da, batez ere Europari dagokionez. Irakurri ezazu Los límites de la publicidad artikulua eta erantzun hurrengo galderei, klasean komentatutakoa kontuan izanda.

Zergatik da kaltegarria iragarki bati egindako salaketa, salaketa horrek funtsik ez duenean ere?

Esan dezakegu, bi arrazoi nagusirengatik dela kaltegarria salaketa bat jartzea iragarki bati. Alde batetik marka irudiari egiten dio kalte eta bestela berriz alde ekonomikoari.
Marka irudiari dagokionez, funtseko salaketa izan edo ez begirada guztien erdian jartzen du iragarkia edo iragarlea. Horrek marka irudiari kaltea egiten dio, jendeak markaren inguruko pentsamoldea eta ikuspegia aldatzen baitu. Horrekin batera izen ona zikintzen du horrelako salaketa batek eta jendeak epaia baina lehen, ohiko modura, bere sententzia ematen du hasiera hasieratik eta ondoren zaila da lehenagotik egindako kaltea konpontzea.

Alde ekonomikoari begiratuz gero, iragarleak iragarkia eten berra izan badu salaketaren ondorioz, dirua galtzen ari dela esan behar dugu. Horrez gain, jendearen ikuspegia aldatu bada normala izango litzateke salmentetan ere behera egitea.

Publizitatean murrizten dena, beste edukietan onartuta dago, sexua eta biolentzia kasu. Zer dela eta diskriminazio hau? Orokorrean, zergatik da legea zorrotzago publizitatearekin?

Puntu interesgarria iruditzen zait honakoa, egia esan orain arte ez nuen honen inguruan hausnartu, baina, soka asko eman dezaken eztabaida dela iruditzen zait.

Gai honen inguruan bi gauza nabarmendu daitezkeela uste dut, nahiz eta biek azken finean helburu berdina eduki, hau da, ahalik eta etekin gehien lortzea, egiten duten bidea ezberdina da. Jendaurrean modu ezberdinean ikusten ditugu publizitatea eta filmak. Lehena salmenta tresna bat da eta bigarrena berriz entretenitzeko egindako zerbait. Publizitatean ezin da erabili sexua edo biolentzia etekinak lortzeko, baina, aldiz filmetan bai. Filmek gai horiek erabiltzen dituzte badakitelako hainbat pertsonek hori gogoko dutela eta horrekin asko salduko dutela, hori azken finean ez al da publizitatean erabiltzea bezala?

Nik uste dut publizitatean zorrotzagoa dela salmenta bide bat bezala ikusten dugula eta filmak aldiz entretenimendu modu bat bezala, nahiz eta nire iritziz amaieran biek helburu bera duten, hau da, etekin handienak ateratzea.


Egileak dioenez, iragartzea debekatuta dagoen hori saldu daiteke. Nola ulertzen duzu paradoxa hau?

Puntu honetako adibiderik garbiena nire iritziz tabakoarena eta alkohol dun hainbat edariren kasua da. Publizitatea egitea debekatua egon harren saltzen da, eta asko gainera. Horren atzean gauza gehienen atzean bezalaxe dirua dagoela uste dut nik, produktu hauek inpuesto handiak dituzte eta horiekin diru asko egiten dute gobernuak, azken finean beraiei ere ez zaie komeni debekatzea salmenta.

Zeintzuk dira auto-erregulazioaren abantailak iragarleentzat?

Abantaila bat baina gehiago ditu auto-erregulazioak iragarleentzat. Hainbat kode betetzen dituzte eta horrek “Publizitatearen Lege Orokorrean” dauden legeak ez hausten laguntzen die. Nolabait esateko kanpaina babesteko modu bat da, kanpaina kaleratu aurretik badakitelako gauzak legearen barruan dituztela.

Publizitatearen profesionala (izango) zarenez gero, non kokatzen duzu zeure burua? Protekzionismo osoaren muturrean (publizitate guztia estatuak erregulatuta) edo askatasun osoaren muturrean? Aldatuko zenuke iritziz hiritar sinplearen ikuspuntuan jarrita

Nire iritziz publizitateak librea izan behar du, beti ere pertsonen eta bizidunen oinarrizko eskubideak errespetatzen diren bitartean eta iruzurrik egiten ez den bitartean. Nik uste oso ondo jarrita daudela eskubide horiek eta horiek urratzen ez badira ez dut uste zertan gehiago erregulatu behar denik publizitatea.

Agian erregulatu beharko litzatekeen puntu bakarra, aurren inguruan egiten den publizitatea izan beharko luke. Jakinekoa baita haurrak askoz ere abandonatuago daudela publizitatearen mundu ilun honetan.

Amaitzeko, ez dut uste hiritar sinplea izateagatik nire iritzia aldatuko nuenik, ez baitut uste denak badio duela publizitatean eta horrez gain haurrak babestuko nituelako. Nik uste gutxieneko erregulazio horiek errespetatuta ere nahiko modu daudela publizitate on eta eraginkorra egiteko.

Publizitatea: entretenimendua edo salmenta tresna?

1. Zeintzuk dira asetze publizitarioaren ondorioak hartzailearengan publizitate eraginkortasunari dagokionez?
Aurreko artikulua irakurri aurretik, uste nuen jendearen gehiengoa asebetetzen zela hainbat iragarki askotan ikusi ondoren. Eta horrek iragarki horrekiko jarrera ezkorra bultzatzen zuela. Baina, orain, artikulua irakurri ondoren harritu egin nau jendearen %90ak baina gehiagok saturazioa handia dagoela esan eta horrek ez diela molestatzen irakurri dudanean. Nik uste nuen ni bezala jende gehiago egongo zela horrek molestatzen ziona eta ez ginela %10a izango.

2. Zergatik ez da betetzen eduki publizitarioak mugatzen duen legeria? Nork ateratzen ditu etekinak egoera horretatik?
Arrazoi sinplea du horrek, telebista kateek etekin gehiago ateratzen dute publizitate muga horiek pasa eta iragarkiak jarriz, ondoren lege haustearengatik ordaindu behar duten isuna ordainduta ere. Hau da, Legeak haustearen ondorioz ordaindu behar dituzten isunak oso txikiak dira publizitateak ematen dituen etekinekin konparatuta.

Ikusten dugun bezala, egoera horren ondorioz telebistak irteten dira garaile, isuna ordainduta ere dirua irabazten segitzen dutela. Nire iritziz isunak askoz ere handiagoak izan beharko lukete, pasatu den minutu horietan atera duten etekinen bikoitza gutxienez.

3. Iragarki “nabarmenak” egiteko ahalegina egiten denean ze nolako eragina du horrek mezuarengan?
Nire iritziz iragarki nabarmenak egiteko ahalegin horrek bi eragin izan dituela uste dut. Alde batetik, iragarkia ezaguna eta jende aurrean atsegina izatea baliatu du, horren adibide ditugu Mixtaren iragarkiak. Oso ezagunak egin izan dira eta jende ugarik ezagutzen ditu. Bestalde berriz, nabarmentasun horrek mezua edo produktua bera bigarren plano batean utzi duela esan dezakegu, hau da, jendeak iragarkia ezagutzen du eta gustuko edo dibertigarria egiten zaio, baina, ez da produktuaz gogoratzen edo ez daki zein mezu ematen duen iragarkiak.

Nik uste dut jendearengan iristeko oso egokiak direla iragarki nabarmen horiek, baina, nabarmentasun hori mezu jakin batekin lotuta azaltzea ezinbestekoa iruditzen zait. Iragarkia ezagutu bai, baina, gure produktuarekin lotzen ez bada ez delako oso eraginkorra izango eta ez dugulako nahi genuen emaitza lortuko.

4. Publizitateak gehiago entretenitu baino gutxiago saltzen omen du. Ez du ideia honek zalantzan jartzen publizitate jardunean sormenari ematen zaion garrantzia?
Aurreko galderan aipatu dudana berrezten du honek. Iragarki askok nabarmentasunaren muga hori pasatzen dute eta saltzerako orduan ez dute arrakasta handiegiri izaten ez bai dute mezu bat azaltzen. Nik uste egokiena, oreka puntu bat aurkitzea dela, non sormen lana eta eman nahi diren mezuak eta marka ongi agertzen direlarik. Jakineko bai da azken finean iragarleen helburu nagusia saltzea dela eta publizitatean eginiko inbertsioak ahalik eta etekin handienak ekartzea gerora.

Iragarkien elementuak aztertuz

Klasean 10 spot aztertu ditugu, bakoitza elementu desberdinetan deskonposatu ostean. Argumentuen natura, umorearen erabilera, musika, ospetsuen erabilera, ahotsak… Bete duzun taulari begira, eta jakinda 10 spot ez dela lagin handia, iragarri daiteke joera nagusirik gaur egungo iragargintzan? Bat egiten al du joera horrek klasean azaldutakoarekin? Zerbaitek deitu du zure atentzioa?

Aztertu ditugun spotak honako hauek izan dira:

1. Toyota“Surfer” .

2. Iberostar “Antonio Banderas”

3. F.C Barcelona “Nos dejamos la piel”

4. Mahou “Paraiso”

5. Leche Celta “Celtunis”

6. EITB “Estas en casa”

7. El Corte Ingles “lavadora”

8. 11888 “Paco Leon”

9. Emilio Tucci

10. Guggenheim

Ikusi ditugun iragarkietako bat ikusgai:



Iragarki hauek ikusi ondoren, bertan agertzen diren elementuak aztertu ditugu, azterketa horren ondorioz atera ditugun ondorioak honakoak dira.

Iragarkiak emozionalak edo arrazionalak diren begiratu dugunean argi gailendu da emozionaltasuna, hau da, aztertu ditugun hamar spotetatik bakarra zen guztiz arrazionala 11888 “Paco Leon”, El Corte Ingles “lavadora” spota berriz arrazionala eta emozionala da eta beste guztiei dagokionez, denak emozionalak dira.

Bestalde, umorearen erabilera ere azpimarragarria dela esan dezakegu, ikusi ditugun hamar iragarkietatik zazpitan erabili bai dute umorea.garbi dago, gaur egun umorea erabiltzeko joera dagoela iragarkietan eta jendea erakartzeko baliabide egokia dela ikus dezakegu. Adibide bat jartzearren, zeinek ez ditu ezagutzen Mixtaren iragarkiak?

Musikari dagokionez, ikus daiteke iragarki guztietan erabili dutela, azken finean iragarkia hobetzen eta entretenigarriagoa egiten laguntzen du, horrez gain, kantu jakin baten ondorioz iragarki bat edo produktua bera gustatzea ere ez da gauza arraroa.

Amaitzeko, iragarkietan erabiltzen den ahotsari dagokionez, argi eta garbi ikusten da gizonezkoarena gailentzen dela, zortzi iragarkitan erabiltzen da ahotsa eta horietatik seietan gizonezkoarena da. Emakumearen ahotsari dagokionez, Guggenheim eta Leche Celta “Celtunis” bakarrik erabiltzen da. Hau ikusirik esan dezakegu klasean aipatutakoarekin bat datorrela, hau da, gizonezkoen ahotsa gehiago erabiltzen dela iragrkietan.

Post-test Voll Damm "Doble o nada"

Ariketa hau egiteko aukeratu dugun iragarkia Voll Damm zerbezarena da. Hain zuzen ere azken egunotan telebistan ikusi dezakegun “Doble o nada”.


Tarjeta-aukeratu:

Gure target-a gaztea izango da. 20-30 urteko erdi-goi-mailakoak diren neska-mutilak.

Xede talde hau produktu honen kontsumitzaile potentziala uste dugulako eta post-testa egitean target honetara errazago izango zaigulako aukeratu dugu.


Sarrera:

Ikerketaren helburu nagusia gure xede-taldeak Voll Damm iragarkia gogoratzen duen eta nola gogoratzen duen jakitea da. Ea kanpainaren mezua ulertu den, hau da zerbeza berezia dela.


Metodologia:

Bi metodologia mota erabiliko ditugu gure ikerketa aurrera eramateko, alde batetik zuzenekoa eta bestetik posta bidez.


Agencia: Villarrosàs

Inkesta

Mesedez, inkesta hau egiteko minutu batzuk hartu itzazu, informazio hau gure iragarkia gogoratzen den, nola gogoratzen den eta ea mezua ulertu den jakiteko da.
Zure erantzunak modu konfidentzial batean erabiliko dira eta ez da erabiliko ikerketaren helburuetarako ez den ezertarako. Inkesta hau 5 minutu inguruan egiten da.


1. Azken egunetan ikusi duzun zein iragarki gogoratzen dituzu? Horrela bada mezua gogoratzen duzu? Edo kanpainaren elementurik?


2. Zerbezaren iragarkirik gogoratzen duzu? Zein? Horrela bada mezua gogoratzen duzu? Edo kanpainaren elementurik?


3. Eta "Doble o nada" slogana duenik? Horrela bada mezua gogoratzen duzu? Edo kanpainaren elementurik?


4. Normaltasuna behin eta berriz aipatzen duenik? Horrela bada mezua gogoratzen duzu? Edo kanpainaren elementurik?


5. Txakur bat ageri denik? Horrela bada mezua gogoratzen duzu? Edo kanpainaren elementurik?


6. Eta buldog txakurrik ageri denik? Horrela bada mezua gogoratzen duzu? Edo kanpainaren elementurik?

Kanpainaren ulerkuntza, pertzepzioa eta iritzia

7. Zer esan edo adierazi nahi izan da kanpaina honetan?


8. Zer motatako zerbeza iruiditzen zaizu?


9. Besteekiko zein ezberdintasun ditu?


10. Ados zaude kanpainaren ezaugarri hauekin?
1 2 3 4 5 6 7 8

Ulerkorra , Dibertigarria , Tentagarria, Sinesgarria, Originala, Polita


11. Kanpainak publikoaren inplikazioa bultzatzen du?


12. Gogoeta eta eztabaida sortzeko gaitasuna du?


13. Norbaitekin komentatu duzu zuk kanpaina?


14. Kanpaina eraginkorra izan dela uste duzu?


15. Zertan egin dute huts?



Emaitzen analisia

Azken egunetan ikusi dituzten iragarkien artean zein gogoratzen dituzten galdetu ondoren, ikus dezakegu guk proposatutako iragarkia %12ak gogoratzen duela.

Zerbezaren iragarkirik gogoratzen duten galdetu diegunean, berriz ere %12ak erantzun digu gurea ezagutzen dutela eta batek baina gehiagok eslogana ere ezagutzen zuen “Doble o Nada”.

Eslogana zein den aipatu diegunean berriz, %20ak ezagutzen zuela iragarkia esan digute. Gutxi gora behera gogoratzen ziren nolakoa zen iragarkia.

Ikusi dugunez lehen faseari dagokionez, %20ak gogoratzen zuen guk proposatutako iragarkia.



Jarraian bigarren faseko datuak azalduko ditugu.

Iragarkia ezagutu duten guztiek, kanpainak zer adierazi nahi duen galdetu diegunean honakoa erantzun digute: “Voll Damm-a garagardo berezia dela, hau kontsumitzen duenari bera ere berezia dela sinestaraziz”. Gutxi gor behera erantzun guztiak ildo horri jarraitzen zioten.

Zer motatako zerbeza iruditzen zaien galdetu diegunean, erantzun ezberdinak jaso ditugula esan dezakegu. Jende gehienari ona iruditzen zaien harren, iragarleak adierazten duen ezberdintasun handiegirik ez dagoela esan digutela.

Beste zerbezekiko ze ezberdintasun dituen galdetu diegunean berriz erantzun kontrajarriak jaso ditugu, batzuen ustetan zapore eta kolore ezberdina dituela esan digute. Beste batzuk berriz ez dela gehiegi desberdintzen eta hori dela honen akatsa.

Kanpainak ia publikoaren inplikazioa bultzatzen duen galdegin diegunean, gehiengoak ez dakiela erantzun digute aldiz, batek baina gehiagok produktua kontsumitzera bultzatzen duela adierazi digute.

Gogoeta sortzeko gaitasuna duen galdetu diegunean, iritziak erdibituta daudela esan dezakegu, erdiak baiezkoa erantzun du eta beste erdiak ezezkoa.

Kanpaina ia beste norbaitekin komentatu diegun galdetutakoan, %80ak ezetz erantzun digute.

Eraginkortasunari buruz galdetu diegunean, gehiengoak ez dakiela erantzun digute, egia esan zaila da hori erantzutea.

Zertan huts egin duten galdetu diegunean, gehiengoak ez du ezer ere erantzun. Baina honako erantzun hau gustatu zaigu eta hemen jartzen dugu “Espainiar estatuan erabiliko den iragarkia izanik, eta espainiar estatuan dagoen kateto mordoa kontutan hartuz, ez dut uste publikoaren portzentaje handi batek mezua ulertuko duenik”.


Ondorioak

Post-test hau egin ondoren atera ditugun ondorio nagusiak honakoak dira, alde batetik jendearen gehiengoak ez duela iragarkia gogoratzen azpimarratu nahiko genuke, hau da, %20ak bakarrik gogoratzen zuen Voll Damm “Doble o nada” iragarkia. Baina, gogoratzen zuten guztiek edo ia guztiek bazekiten zein zen iragarkiak adierazi nahi zuena eta alde horretatik nahiko positiboa dela esan behar dugu.

Beste alde batetik, aipatu behar da nahiz eta gure ikerketa edo post-testa Voll Damm-en inguruan izan jendeak gehien ezagutzen dituen iragarkiak Mixta-renak izan direla. Honekin ikus dezakegu, jendeak kreatibitatea eta entretenigarritasunaren bidez ezagutzen dituela iragarkiak, hori horrela izan harren aldiz, ondoren ez dute mezua ondo ezagutzen edo ez dakite zer adierazi nahi duen iragarkiak. Gure kasuan aldiz, ikusi dugu iragarkia gogoratzen zuten denek zekitela zertaz zioan edo zer nahi zuen adierazi iragarkiak.

Amaitzeko, aipatu behar dugu gure iritziz nahiko harrera ona izan duela gure iragarki honek eta mezuaren esanahiari dagokionez ezagutzen zutenen artean izan duen ezagutza mailak harritu egin gaituela esan behar dugu, oso handia izan baita.

Eraginkortasuna saritzen

Gaurko klasean Eficacia sariei begira jarri gara. Ikastaroaren hasieran azpimarratu genuen publizitate jaialdi honen berezitasuna: ez du kreatibitatea saritzen, eraginkortasuna baizik. Eta eraginkortasun horren frogak eskatzen ditu saria ematerako orduan. 2008ko irabazle nagusiak, Caja Madrid-ek, adibidez, hurrengo frogak eskaini zituen saria eskuratzeko. 2009an Ikea suertatu zen irabazle, eta hemen azaltzen dira horren arrazoiak.

Eraginkortasun jaialdi bat bestelako kontu bat da, ordea. Agentziek beharrean, iragarleek beraiek antolatzen dituzte horrelakoak (Eficacia sarien kasuan, Asociación Española de Anunciantes delakoak). Zergatik? Zer bilatzen da? Zertarako balio du? Zein sektoreri egiten dio mesederik handiena?

Eraginkortasun sariei dagokionez, horrelako sariak antolatzearen zergatia erraza dela esan dezakegu. Iragarleari, ez zaio axola bere iragarkia originala, barregarria edo polita den, berari inporta zaiona eraginkorra izatea da. Hau da, azken finean iragarleak helburu batzuk betetzeko egiten du publizitatea eta eraginkortasunarekin hori ebaluatzen du. Hori dela eta horrelako sariak ispilu bikainak dira bakoitzaren eraginkortasuna agertzeko.

Horrelako sariek, bi onura dituela esan dezakegu, hau da, alde batetik iragarleentzat ezin hobea da beraien kanpaina zenbakitan ikusteko. Eta horrela badakite nolako arrakasta izan duen eginiko kanpainak. Eta bestalde,eraginkortasun hori lortzeko erabili diren kanpainak zein diren ere argi gelditzen da eta agentzia horiek ere irabazten atea ohi dira. Horrela jendeak eraginkorrak diren agentzia horietara jotzen duelarik.

Aurrekoa esanik, argi dago iragarleen sektorea eta agentzien sektorea direla onurarik gehien lortzen dituztenak sari hauen bitartez. Horrez gain, aipatu beharra dago iragarleen kasuan sektoreari baina gehiago iragarleari berari egiten diola mesede sari honek.

Hausnartu honen inguruan.

Eta gero…

Eficacia sarien 2009ko irabazleen zerrenda ere kontsultatu dezakezu, eta konparatu 2009ako iragarleen inbertsio ranking-arekin. Zer nolako harremana ikusten duzu publizitate inbertsio eta publizitate eraginkortasunaren artean? Kasu adierazgarriren bat?


Esan beharra dago ez dagoela horrelako harreman zuzenik iragarle potentzial eta eraginkortasun sariak irabazi dituztenen artean. Argi dago, eraginkortasuna izateko gastu bat egin behar dela eta gutxi eginez zaila izango dela eraginkorra izatea. Baina ikus dezakegu ez duela zertan publizitatean gehiena gastatu duenak eraginkorrena izan behar. Inbertsioa eta eraginkortasunaren arteko erlazioa ikusteko adibide bat aipatzearren, gehien gastatu duten 20 iragarleen artean bakar batek lortu du eraginkortasunaren urrezko saria, hain zuzen ere, Linea Directa Aseguru etxeak non inbertsioen alorrean 17. Aurkitzen den.

Esperimentua amaitu da

Facebook esperimentua bukatutzat emango dugu gaur. Astebetez lagunak “biltzen” ibili zara. Kontaketa egiteko momentua ailegatu da. Zenbat lagun lortu dituzu? Nola? Zuzenean, lagunen lagunen bitartez, espontaneoki zugana jo dutelako… Zer nolako aplikazioak erabili dituzu? Profila, taldeak, kausak, marketplace, argazkiak, estekak…

Esperimentuaren nondik norakoez hitz egiteko garaia da. Gure esperientzia honek zenbaiteraino jartzen ditu kolokan sare sozialen inguruko ideiak, hau da, beren indarra dagoeneko elkar ezagutzen duen jendearen arteko loturetan dagoela? Zer nolako zalantza etikoak sortzen dizkizute tresna berri hauek? Posible ikusten duzu interneteko sare sozialetan bakarrik oinarritutako marketing kanpainarik, hau da, medio nagusiagoetan (hots, telebistan) agertu gabe? Horrelakorik ezagutzen duzu?

Facebook-eko kontu berriarekin hainbat arazo izan ondoren, eta nire facebook-a dudala kontuan harturik, nire kontuko datuekin egitea erabaki dut hausnarketa.

Ez da denbora asko nire facebooka erabiltzen dudala, eta dagoeneko 202 lagun ditudala konturatu naiz esperimentu hau egiterakoan. 202 horietako batzuk lagunak direla esan behar dut, baina, gehienak ezagunak edo lagunen lagunak, bestalde, hainbat facebook lagun ditut pertsonalki ezagutzen ez ditudanak, baina, egiten dudan kirolarengatik lagun moduan ditudanak bertan.

Aplikazioei dagokionez, egia esan ez ditut asko erabiltzen. Gehienbat kanpoan dauden lagun edo familiakoei idazteko edo lagunen baten argazkiak komentatzeko. Azken finean egunero harremana ez dudan jendearekin bat egiteko baliagarria den tresna da facebook. Horrez gain, gustuko zerbaiten zale ere egin naizela esan beharra daukat.

Nik uste gehienbat elkar ezagutzen direnen artean duela eraginik handiena, baina, produktuen perfilak egitea eta hauen zale bihurtzeak nolabaiteko publizitatea egiten du. Hala ere nik uste dut horrelako publizitateak arrakasta izango duela dagoeneko produktuak arrakasta izan badu. Honekin esan nahi dudana zera da, kalean jende askok badu gustuko produktu bat eta facebookeko kide bada, ez zaiola batere kostatuko produktu honen zale egitea, eta jendeak ikusten badu “x” produktuak jarraitzaile asko dituela ba zerbaitengatik izango dela pentsatu eta berak ere probatzeko aukera gehiago dago. Alderantziz ordea, hau da arrakasta gutxiko produktu batek edo produktu berri batek zailago izango duela mundu honetan uste dut nik.

Nahiz eta gero eta indar gehiago izan interneteko munduak, ez dut uste facebooken oinarritutako publizitate kanpaina batek arrakasta handia izango lukeenik. Eta ez dut uste ikusi dudanik bertan oinarrituta dagoen publizitaterik.

Sare sozialen eraginkortasuna

1. zatia: gogoeta

Sare sozialen erabiltzaile zarela jakintzat emanda, gogoeta eskatzen dizut. Marketing ekintza baten parte sentitu izan zara honelako tresna baten bitartez? Hala bada, zein? Ez bada hala, zergatik? Zuk uko egin duzulako edo inoiz aukera hori suertatu ez zaizulako? Burger King-en kasuan bezala, horrelako ekintzen hazkundea aurreikusi daiteke? Edo moda kontua da eta ez da urrunera ailegatuko? Non ikusten duzu sare sozialen abantailarik handiena marketing ikuspuntutik? Eta mugarik argiena?

Sare sozialen erabiltzailea izan da, gogoeta hau egin arte ez naizela marketin ekintza bateko partaide sentitu esan behar dut, hala ere, orain honi buruz pentsatzen jarrita, esan dezaket marketin ekintzaren parte izan naizela. Behin baina gehiagotan iritsi zaizkit hainbat marka eta produktuen iragarkiak edo hauen inguruko informzioa.

Nik uste dut, gorantz doan marketin ekintza dela sare sozialen ingurukoa eta oraindik ere gora egingo duela. Publizitate munduan esparru berria da sare sozialen mundua eta orokorrean hartuta internet bera ere esparru berria da. Hori horrela izanik, urte batzuen buruan gauza berri asko eta marketin ekintza ezberdinak agertuko direla uste dut.

Zabalkuntza berri honen arrazoi nagusia, ematen dituen abantailak direla uste dut nik, lehenik eta behin dohaineko publizitatea dela esan beharra dago eta dirurik ez baduzu gastatzen horretan, ematen dituen etekinak txikiak izan harren , denak irabaziak dira. Bigarrenik, jende askorengana iristeko aukera ematen dizu denbora gutxian eta nahi izanez gero, publizitate pertsonalizatua egiteko aukera dago xede taldearen arabera.

Hala ere, esan behar da dena ez dela ona mundu honetan eta bere mugak eta desabantailak ere badituela marketin ekintza honek. Nire ustez gaur egun duen mugarik handiena jendearen mesfidantza da, hau da, jendea ez da fidatzen interneten dauden iragarkiekin eta gure pentsaera aldatu arte zaila izango da jendearen atentzia errax irabaztea. Horrez gain, jendea nazkatzeko aukera ere badago gehiegi bonbardatzen bada publizitate mota horrekin.

2. zatia: esperimentua

Sare sozialak, definizioz, munduko pertsona guztiak konekatuta egon gaitezkeen ideian oinarrituta daude. Zuk lagun bat duzu, eta lagun honek beste lagun batekin konektatzen zaitu, eta hirugarren honek laugarren batekin… bukaerarik ez duen segida batean. Hala ere, izan daiteke “lehen” lagun horren beharra gabe ere sare birtual bat osatu ahal izatea. Erabiltzaile honek egin duen moduan, Facebook-esperimentu bat proposatzera natorkizu. Profil faltsu bat sortuz astebetean zenbat “lagun” lortu ditzakezun probatu beharko duzu. Nola egin?

- Sortu profil faltsua: izena, datuak eta argazkia, zurekin zerikusirik ez dute izango. Benetako email helbide bat behar denez, email berri bat egin dezakezu ere. Profil interesgarri sortzea komeni da, noski.

- Has zaitez lagun eskaerak egiten. Hori egiteko dagoeneko ezagutzen dituzuenengana jo dezakezu (zure benetako identitatea errebelatu gabe, noski), bilatzailean jendea bilatu dezakezu, talde desberdinetako partaideei eskaerak bidali ahal dizkiezu…

- Saia zaitez 100 eskaera egiten.

- Itxaron ezazu astebete, eta datorren ostiralean, honen inguruko hausnarketa bat eskatuko dizut.

- Esperimentua bukatuta, profila borratu dezakezu.

Internet&eraginkortasuna

Bizitatu ditudan webguneak:
www.tuenti.com
www.hotmail.com
www.marca.com
www.racingpasion.com
www.snow-forecast.com
www.wrc.com

Ariketatxo bat orain.

Zure hamabost minutuko bidaia horretan, dudarik gabe, publizitatearekin egin duzu topo. Gogora dezakezu…

a) Ze publizitate formatu topatu duzun? (banner, pop-up, spam…)
Ez dut inolako publizitaterik gogoratzen

b) Ze markarekin egin duzun topo?
Ez dut gogoratzen zein markarekin egin dudan topo.

c) Mezu/edukiren batek zure atentzioa deitu du?
Mezu/edukiek ez dute nere atentzioa deitu.


d) Publizitatearen aurrean men egin al duzu? Hau da, banner batek proposatzen zizuna jarraitu duzu, iragarle baten webgunera ailegatu zara?
Ez.

Buelta zaitez orain ibili zaren orri edo dena delakoetara. Erreparatu publizitateari. Hor zegoen, ezta?

e) Zure esperientzia hau eta aurrekoak kontuan hartuta, interneteko publizitateaz ze balorazio egiten duzu? Eraginkorra ote da? Asko/gutxi ikusten da? Erakargarria da? Hausnartu honen ingururan beste medioak kontuan hartuta.
Egiten dudan balorazioa ez da oso positiboa, argi dago interneten eragina izan dezan publizitateak ez dela nehikoa behin ikustea. Baizik eta askotan golpatu behar gaituela iragarki berak gure atentzioa erakar dezan.
Hori horrela izan arren, gero eta gehiago ikusten den publizitate mota dela esan dezakegu. Azken urteotan zabalkuntza nabarmena izan duena, baina, ez duena pertsona guztiengana iristeko balio. Horrez gain, Internet-en inguruan zabaldutako mesfidantzak, bertako publizitatean ez fidatzea dakar eta hori horrela izanik, eraginkortasuna lortzea zailagoa da eta erakargarritasuna galtzen duela esan dezakegu.